На 14 октомври 2021 година, преку онлајн платформата Zoom, се одржа вебинар на тема „Вештини за справување со различности“. Настанот беше насочен кон препознавање, прифаќање и ефективно менаџирање на различностите во наставниот процес, со цел унапредување на комуникациските и педагошките компетенции на наставниците.

На вебинарот присуствуваа 40 учесници – наставници, професори и стручни соработници од основните и средните училишта.

Модератор на настанот беше Анета Чаковска, активен член на Здружението на професори по географија на Македонија „Проф. д-р Љубе Миленковски“ – Скопје, а предавач беше м-р Бети Деловска од УТМС – Институтот за бизнис и менаџмент, со поддршка од УТМС – Институтот за национална географија.

Според добиените резултати од евалуацијата, сите учесници ја оценија обуката како исклучително корисна и применлива во образовната пракса, посочувајќи ја нејзината вредност за развој на професионалните вештини и инклузивниот пристап во наставата.

Овој сертифициран вебинар претставува дел од серијата стручни обуки и предавања што се реализираат во рамките на годишната програма на ЗПГМ „Проф. д-р Љубе Миленковски“ – Скопје, во партнерство со Институтот за национална географија при УТМС.

Институтот ќе продолжи активно да ги поддржува ваквите едукативни иницијативи, насочени кон јакнење на професионалните компетенции и современиот пристап во наставата по географија и сродните науки.